Metár hjá Runavíkar havn

Runavíkar havn setti met i fjør.

Umsetningurin var 21 milliónir kr., og nettovinngurin var 11 milliónir, skrivar Runavíkar kommuna.

Seinastu 10 árini, frá 2010 til 2019, hevur umsetningurin hjá Runavíkar havn verið góðar 141 milliónir kr., og útreiðslurnar hava verið 84 milliónir.

Sostatt hevur nettovinningurin farnu 10 árini verið 57,2 milliónir kr.

2020 verður eitt broytingarár hjá Runavíkar havn.

Fyrstu ferð í 20 ár verður reglulig farmasigling til og úr Runavík.

Kommunan og Samskip gjørdu fyrr í ár sáttmála, sum ber í sær, at Samskip flytur alt virksemið til Runavíkar í august, gongst sum ætlað.

Húsið, sum Samskip skal leiga frá kommununi, verður umvælt. 

Ravmagn til køli- og frystibingur verður langt inn á økið, og gjørt verður eisini klárt at veita skipa landstreym, sigur Runavíkar kommuna.