Rætturin skal døma í harðskapsmáli

Føroya rættur hevur tikið upp til dóms eitt revsimál um serligan ráan og vandamiklan harðskap.

Ein maður í tríatiárunum er ákærdur fyri at hava roynt at koyrt á ein annan mann, sum stóð á einari gongubreyt í Klaksvik í fjør summar.

Hann rakti ikki mannin, men fór so úr bilinum og legði á hann, sigur ákærin, Mads Strandberg Pedersen, við Útvarpið.

Datt og skurslaði seg

Sambært ákæruni tók tann ákærdi um hálsin á hinum, sum datt og skurslaði seg. 

Tann ákærdi noktaði seg sekan og krevur frídøming.

Tvey vitni umframt tann álopni vórðu avhoyrd í rættinum í gjár.

Orsøkin til hendingina í Klaksvík í fjør summar var, sambært tí, sum kom í rættinum, okkurt, sum tann órættaði hevði sagt um tann ákærda á einum portali.