Endaorðaskifti í Fólkatinginum í dag

Seinasti dagur í Fólkatinginum, áðrenn tað fer í summarfrí, er í dag.

Og sum vant verður endað við einum orðaskifti um støðuna í danska ríkinum, einari afslutningsdebat, sum danir kalla hetta orðaskiftið.

Talsfólk hjá øllum flokkum hava orðið, eisini føroysku og grønlendsku fólkatinglimirnir.

Aðrir tinglimir kunnu koma við viðmerkingum. 

Forsætisráðharrin hevur frágreiðing

Orðaskiftið byrjar við einari frágreiðing frá Mette Frederiksen, forsætisráðharra, um innanríkispolitikk og um uttanríkispolitikk. 
 
Fólkatingsfundurin byrjaði klokkan átta okkara tíð.

Vanliga plagar hetta orðaskifti at vara allan dagin og út á kvøldið. 

Næsta tingseta byrjar fyrsta týsdag í oktober.