Fyrra turbinan flotað

Sjóvarfalsorka kann gerast eitt stórt stig á grønu kósini, sigur SEV, nú fyrra av tveimum turbinum verður sett út í Vestmannasund

Sjóvarfalsorkan kann gerast stórt stig á grønu kósini, sigur Terji Nielsen, menningarleiðari hjá SEV, nú fyrra turbinan verður sett út í Vestmannasund

Bogi Godtfred

Jón Brian Hvidtfeldt

29.06.2020 - 19:37

Fyrsta dagin verður fyrra turbinan sett út í Vestmannasund, sum skal framleiða streym úr sjóvarfalsorku. Verkætlanin er eitt samstarv millum SEV, Minesto og svenska orkustýrið. Kostnaðurin er 40 milliónir krónur og helvtina rindar Horizon granskingarpengar hjá ES.

Skipanin er øðrvísi á tann hátt, og hon stendur ikki føst í sjónum, men ferðast í einum áttatali og dugir sjálv á at skyna, at hon vendir upp ímóti sjóvarfallinum.

Parturin hjá SEV er at gera klárt at taka ímóti tí streymi, sum drekin ella sjóvarfals-turbinan framleiðir.

Seinni í ár verður ein dreki aftrat settur út í Vestmannasund, har teir skulu vera í umleið tvey ár, tá verkætlanin verður eftirmett.