Dómurin ikki kærdur

Dómurin, sum ein maður fekk í Føroya rætti fyri at hava gjørt seg kynsliga inn á stjúkdóttur sína, verður ikki skotin inn fyri Eystara landsrætt.

Tað sigur verji mansins, Bjørn á Heygum. Dómurin er fongsul í eitt ár. Ákæruvaldið kravdi eitt ár og tríggjar mánaðir.

Maðurin noktar seg sekan. Verjin hjá honum kravdi í fyrsta lagi frídøming og í øðrum lagi seks til átta mánaðir.