Fiskiskapurin hjá ferðafólkum avmarkast

Týdningarmesta broytingin er, at bara ferðafólk sum hava fiskað og eru skrásett hjá góðkendari fiski-ferðavinnufyritøku kunnu taka fiskin við sær úr landinum. 

– Eg vóni, at hetta fer at styrkja ferðavinnuna á hesum økinum, sigur Odd Emil Ingebrigtsen, sum er ráðharri í fiskimálum í Noregi.

Markið fyri, hvussu stóra veiði ferðafólk kunnu taka við sær úr Noregi, verður minkað úr 20 niður í 18 kilo av kruvdum fiski.

Loyvt verður í mesta lagi tvær ferðir um árið at taka veiðina við úr landinum, og tað er munandi herðing, tí sum nú er, er tað loyvt eina ferð um vikuna. Broyttu reglurnar koma í gildi 1. januar næsta ár.