Hava brotið inn og fest í

Klokkan tíggju minuttir í tvey í nátt fekk politiið fráboðan um, at eldur var í dagstovninum Lítlaskógi í Djóna í Geil gøtu i Havn.

Brandávaringin í stovninum hevði boðað frá á Brandstøðini.

Onkur hevur brotið ein rút í dagsstovninum og hevur fest í í tveimum støðum inni, millum annað í einum ruskílati.

Hava tryggjað sær spor

Men eldurin fekk ikki stundir at breiða seg.

Politiið hevur tryggjað sær spor á staðnum og hevur fingið onkra fráboðan, men vil fegið frætta frá fleiri fólkum, sum halda seg hava sæð ella hoyrt okkurt.

Fólk í grannalagnum hjá Lítlaskógi eru avhoyrd fyrrapartin.