Fiskivinnusamráðingar slitnaðar

Tað skrivar grønlendska blaðið Sermitsiaq á heimasíðuni hjá blaðnum. Partarnir hava havt trý samráðingarumfør.

Samráðingarnar hava verið harðar. Partarnir eru farnir hvør til sítt, og eingin fundur er avtalaður, sigur ein kelda, sum vil vera ónevnd, við Sermitsiaq.

ES krevur størri kvotu

ES krevur at fáa størri kvotu, og í minsta lagi somu kvotu sum higartil. Grønlendingar vilja skerja kvotuna til ES.

Hóast ES í samráðingunum hevur kravt at fáa størri rækjukvotu í Vesturgrønlandi, vil ES ikki gjalda meira afturfyri.

Grønland krevur í sínum lagi, at allar ES-kvotur í grønlendskum sjógvi minka. Skip úr ES-londum hava í fleiri ár fiskað tosk, rækju, svartkalva og lodnu í grønlendskum sjógvi.