Sendistovur hildu ikki játtanina

Allar føroysku sendistovurnar vóru dýrari at reka enn ætlað í fjør.

Allar, uttan tann í Kina, men hon byrjaði so seint í árinum, at øll játtanin bleiv ikki brúkt.

Játtaðar vórðu tríggjar milliónir krónur, men av tí at sendistovan í Beijing ikki byrjaði fyrr enn í september, kostaði sendistovan góðar 1,2 mió. kr. í fjør.

Hinar sendistovurnar kostaðu úr 43.000 krónum - tann í Danmark - upp í 491.000 krónur - tann í London - meira enn tær fingu í fíggjarlógini.

Brúktu minni til marknaðarføring

Ein millión var sett av til at marknaðarføra Føroyar í fjør. Men bara 30.000 kr. eru brúktar til hesa marknaðarføring.

Pengarnir verða brúktir til vinnuferðir og onnur tiltøk, sum landsstýrismaðurin í uttanríkismálum stendur á odda fyri. 

Minni varð gjørt av hesum í valárinum 2019, hevur Landsgrannskoðanin fingið at vita.