Jákup Sverri liðugur um miðjan september

Nýggja havrannsóknarskipið, Jákup Sverri, verður latið eigarunum um miðjan september, upplýsir Mouritz Mohr, stjóri á skipasmiðjuni MEST á Skála.

Byggingin er seinkað av ymiskum orsøkum, millum annað av koronu. Í løtuni ger Jákup Sverri nakrar royndartúrar, har útgerðin verður roynd.

- Skipið hevur nógva tekniska útgerð, og tað skal tí gera fleiri royndartúrar fyri at royna alla útgerðina. Ymsar stillingar verða nú gjørdar, sigur Mouritz Mohr. 

Framsýningartúrur

Tá ið skipið verður latið eigarunum, verður alment hátíðarhald, og Jákup Sverri fer eisini framsýningartúr. 

Skrokkurin til Jákup Sverra er smíðaður í Litava, og skipið er gjørt liðugt á skipasmiðjuni hjá MEST á Skála. 

Sáttmálaprísurin er 276 milliónir krónur.