Varð bjargaður í evstu løtu

Ein ungur drongur varð bjargaður í evstu løtu í gjáramorgunin, eftir at hann var endaður á sjónum í havnini í Skopun.

Klokkan hálvgum átta fekk MRCC boð frá løgregluni um drongin, og bæði bjargingartyrlan og báturin LÍV fingu boð um at fara avstað sum skjótast.

Neyðugt var tó ikki at brúka tyrluna ella LÍV, og drongurin varð fluttur á Landssjúkrahúsið við sjúkrabili, sum Teistin sigldi um Skopunarfjørð.

Sambært løgregluni hevur drongurin tað eftir umstøðunum gott.