Korona hevur kravt 900.000 mannalív

Nú eru fleiri enn 900.000 fólk deyð av koronusjúkuni kring heimin, síðani sjúkan fyrstu ferð varð staðfesti Kina í desember í fjør, skrivar NTB.

Í USA eru 195.000 fólk deyð, í Brasil 129.000, í India 75.000, í Mexiko 68.000, og í Bretlandi eru 42.000 fólk deyð, vísir ein uppgerð hjá Worldmeters.

28 mió. smittað

Umleið 28 milliónir fólk eru smittað, og um 20 milliónir fólk eru frísk aftur, vísir uppgerðin.

Tað er serliga Latínamerika og Karibia sum eru meinast rakt. Har eru meira enn 300.000 fólk deyð, síðani kemur Evropa, har 220.000 fólk eru deyð.

Í Peru eru flest fólk deyð, fyri hvørji 100.000 fólk,  og síðani koma Belgia og Spania.