- Tíðindi, mentan og ítróttur
Ætla at kanna 1400 fólk á Glasi í dag
21.09.2020 - 13:16
Innlendis›Heilsa
Ætla at kanna 1400 fólk á Glasi í dag
Eingin av teimum, sum varð kannaður í gjár, er smittaður
![](https://kvf.fo/sites/default/files/styles/news_xtra_xtra_large/public/glasir_korona_kanningar-8.jpg?itok=UOA1TdHu)
Steinbjørn Hardlei, rektari á Glasi. Øll starvsfólk, næmingar og lærarar á Glasi verða í løtuni kannað fyri koronu
Mynd: Bjarni Árting Rubeksen
Eingin skúlagongd er á Glasi í dag í sambandi við nýggjastu smittutilburðirnar, sum eru staðfestir í Havn.
293 fólk vórðu kannað á skúlanum í gjárkvøldið, og úrslitið vísir, at eingin er smittaður.
Í dag verða 1400 fólk kannað á Glasi, og gongst sum ætlað, verða allar kanningarnar lidnar seinnapartin, sigur rektarin.
Hoyr samrøðu við Steinbjørn Hardlei, rektara, í úitvarpstíðindunum.
Á Skúlanum á Fløtum vórðu 15 starvsfólk og umleið 100 næmingar kannað í gjárkvøldið. Tað eru tey, sum hava sína gongd á ítróttarrásini, og sum húsast í FSF-húsinum í Gundadali.
Í Býlingshúsinum í Norðastahorni vóru øll børn og starvsfólk eisini kannað í gjár.
Tak niður
Sí eisini
Nýggjastu sendingar í ÚV
Nýggjastu sendingar í SV