Krevja linari revsing í Hægstarætti

Krevja linari revsing í Hægstarætti
Maðurin varð dømdur í "anbringelse" uttan tíðaravmarking. Nú krevur verjin tíðaravmarkaðan viðgerðardóm
Eitt nevningating í Føroya rætti viðgjørdi málið í summar. Nú er revsingin skotin inn fyri Hægstarætt
 
23.09.2020 - 18:00

Maðurin, sum eitt nevningating í Føroya rætti í summar dømdi í "anbringelse" uttan tíðaravmarking, skal í Hægstarætt í Keypmannahavn 2.desember.

Revsingin er skotin inn fyri Hægstarætt við kravi um, at hon verður linari.

Kravið er tíðaravmarkaður viðgerðardómur. Møguleiki skal vera fyri innlegging.

Maðurin, sum er sjúklingur á Psykiatrisku deild í Havn, var ákærdur fyri 22.juni í fjør at hava lagt á eitt starvsfólk á deildini, meðan tey gingu á gøtuni vestan fyri Sandá, sum er áin millum Havnina og Argir.

Frídømdur fyri drápsroynd

Maðurin varð ákærdur fyri drápsroynd, men frídømdur fyri hana í nevningatinginum.

Hann varð tó dømdur fyri grovan harðskap í tveimum førum og vanligan harðskap í trimum førum.  Hetta er endaligt, og kann ikki roynast í hægri rætti.

Men revsingin kann roynast. 

Og maðurin og verji hansara, Petur Even Djurhuus, halda, at tað er ov hørð revsing at verða dømdur at vera á psykiatriskari deild í óavmarkaða tíð.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565