Fekk linari revsing enn ákæruvaldið kravdi

Ein 46 ára gamal maður varð í Føroya rætti í gjár dømdur treytaleysa fongsulsrevsing í tvey ár og níggju mánaðir fyri grovt svik og skjalafalsan fyri slakar 5,2 milliónir krónur.

Ákæruvaldið kravdi trý ár og seks mánaða treytaleysa fongsulrevsing.

Linda Hesselberg, ákæri, sigur, at enn er støða ikki tikin til, um dómurin verður skotin inn fyri hægri rætt.

Bjørn á Heygum, verji hjá dømda manninum, hevur heldur ikki tikið støðu til, um dómurin skal kærast.