Nýggjur varafúti fyri Hesselberg

Føroyar fáa nýggjan varafúta í næstum. Freistin at søkja var úti í gjár. 

Tað er løgmálaráðið í Danmark, sum ger av, hvør nýggi varafútin verður, eftir tilmæli frá setanarbólki.

Michael Boolsen, fúti, vil ikki siga, hvussu nógvar umsóknir eru komnar til starvið. Hann hevur samskift við ríkisákæran, men ríkisákærin vil ikki, at talið av umsøkjarum verður upplýst alment.

Hesselberg fer    

Nýggi varafútin tekur við eftir Lindu Hesselberg, sum gevst, og fer í starv í Danmark.

Linda Hesselberg flutti til Føroya í 2001, tá hon fór í starv sum politifulltrúi hjá fútanum, og í 2004 bleiv hon tilnevnd sum høvuðsákæri í Føroyum.

Linda Hesselberg hevur verið varafúti síðan 2017.