Elbilar: Avgjøld hava avgerandi týdning

Avgjøldini eru avgerandi fyri, um fólk velja sær elbil.

Í Noregi eru ongi avgjøld á elbilum, og har er næstan annar hvør bilur nú elbilur.

Á elbiladegnum, sum var í Norðurlandahúsinum í gjár, varð stroymdur fyrilestur hjá Mathias Fisher, sum er ovasti politiski ráðgevi hjá norska umhvørvismálaráðharranum. 

Hann er ikki í iva, avgjaldspolitikkurin er avgerandi.

Eingi avgjøld

Í Noregi eru ongi avgjøld á elbilum, men stór avgjøld á øðrum bilum, bilum, sum brenna bensin ella diesel. 

Í 2017 vóru 20 prosent av nýggju bilunum í Noregi elbilar. Nú er talið komið upp í 48 prosent.

Í Føroyum eru minni enn eitt prosent av bilunum elbilar.