Hava fingið øll undantøk

Felagið Føroyskir Sjúkrarøktarfrøðingar hevur givið Sjúkrahúsverki Føroya øll tey undantøk, sum tey hava biðið um til komandi samdøgur. 

Tað váttar Margit Stórá, varastjóri í Sjúkrahúsverkinum. 

Tilsamans er talan um 57 vaktir, ið Sjúkrahúsverkið hevur biðið um undantak fyri. 

Undantakini eru givin, nú bíðað verður eftir, at Semingsstovnurin handar pørtunum eitt semingsuppskot í kvøld. Eftir ætlan skulu partarnir svara semingsuppskotinum fyrrapartin í morgin.