Kunngerðir sendar til hoyringar

Kunngerðir sendar til hoyringar
Fyrstu kunngerðirnar sambært nýggju lógini um almannatrygd og tænastur eru sendar til hoyringar.
Mynd: Elsebeth Mercedis Gunnleygsdóttir, landsstýriskvinna á almannamálum
 
07.11.2020 - 13:29

Skjótt kemur lóg um almannatrygd og tænastur í gildi - eisini kallað Vælferðarlógin - og í hesum sambandi er Almannamálaráðið farið undir tilgongdina at orða kunngerðir.

Tær fyrstu kunngerðirnar eru sendar til hoyringar og freistin at svara er 26. november.

Kunngerðirnar verða eisini lagdar á hoyringarportalin hjá landsstýrinum, har øll áhugað kunnu koma við viðmerkingum.

Lóg um almannatrygd og tænastur kemur í staðin fyri gomlu forsorgarlógina, sum upprunaliga er ein donsk lóg frá 1960’unum.

Hóast dagføringar eru gjørdar í fleiri umførum, er forsorgarlógin ikki longur tíðarhóskandi. Lógin um almannatrygd og tænastur varð einmælt samtykt í løgtinginum í vár, og kemur í gildi 1. januar 2021.

Meginreglan í nýggju lógini er, at støði verður tikið í tí einstaka; hvat hesin megnar, tørvir og ynskir í mun til støðuna, sum hann er í. 

Tænasturnar skulu veitast saman við borgaranum - heldur enn fyri borgaran. Tað skrivar heimasíðan hjá Almannamálaráðnum.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Skipsboð
216603
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470