Skattaprosentið í Vági lækkar

Fólk í Vági skulu gjalda minni í skatti næsta ár. Skatturin minkar 0,15 prosentstig, niður í 21,50 prosent.

Skattaprosentið var 23,25 í 2013. 

Vágs býráð hevur samtykt fíggjarætlanina fyri 2021. Sambært henni kostar Vágs kommuna tað sama at reka næsta ár sum í ár.

Raksturin er mettur at kosta 57,1 millión krónur. Íløgur fyri 4,7 milliónir verða gjørdar næsta ár.

Vágs kommuna fer í 2021 at rinda 3,5 mió. kr. aftur í skuld. Renturnar eru góðar 300.000 kr.

1.392 fólk búgva í Vágs kommunu.