Viðgera Fjøruvegin í tinginum í dag

Fjøruvegurin í Runavík verður viðgjørdur í løgtinginum í dag.

Landsstýrið hevur biðið um 55 milliónir krónur til Fjøruvegin.

Í ár er játtanin 13,8 milliónir, 10 milliónir næsta ár og í 2022, 12 milliónir krónur í 2023 og 9,2 milliónir krónur í 2024.

Fjøruvegurin, sum hevur samband við Eysturoyartunnilin, er mettur at kosta slakar 100 milliónir krónur.

Kommunan eigur verkætlanina

Runavíkar kommuna skal gjalda hann og fær 55 milliónir krónur í stuðli frá landinum.

Fjøruvegurin verður millum munnan á Eysturoyartunlinum og landsvegin omanfyri Bakkafrost á Glyvrum, og verður hálvan triðja kilometur.

Munnligir fyrispurningar eru eisini í løgtinginum í dag. Tingfundurin í dag er klokkan 11.00.