Barsilstíðin verður nú eitt ár

Barsilstíðin verður nú eitt ár
Løgtingið hevur einmælt samtykt uppskotið hjá Helga Abrahamsen, landsstýrismanni
Tær fýra vikurnar, sum koma aftrat í Barsilsskipanini, verða lagdar aftrat felagskvotuni hjá báðum foreldrum
 
08.12.2020 - 15:35

Barsilstíðin verður longd fýra vikur, og verður nú eitt ár.

Løgtingið hevur einmælt samtykt uppskotið hjá Helga Abrahamsen, landsstýrismanni í umhvørvis- og vinnumálum. Øll 25 tingfólkini, sum vóru í tingsalinum, atkvøddu fyri.

Samstundis hækkar inngjaldið til skipanina úr 0,71 prosentum upp í 0,86 prosent av lønini.

Barsilsskipanin hevur verið fíggjarliga sperd í seinastuni, men hækkingin í inngjaldinum fær hallið burtur og fíggjar eisini tað, sum longda barsilstíðin kostar, sigur Helgi Abrahamsen.

Lagdar aftrat felagskvotuni

Tær fýra vikurnar, sum koma aftrat í Barsilsskipanini, verða lagdar aftrat felagskvotuni hjá báðum foreldrum. Tað merkir, at mamman fær rætt til barsilspening í 14 vikur eftir barnsburð, pápin í fýra vikur, og foreldrini kunnu býta 34 vikur sínámillum.

Samstundis sum inngjaldið í Barsilsskipanina hækkar, lækkar inngjaldið til arbeiðsloysisskipanina 0,25 prosent.

Uppskotið um at leingja barsilsskipanina og at hækka inngjaldið skal hava eina viðgerð í tinginum aftrat.

 

Er kopiera
Nýggjastu sendingar í ÚV
Mikudag 9. oktober
Morgunlestur mikudagur 9. oktober 2024
181750
Týsdag 8. oktober
LEITISSTEIN 08.10.2024 (Tina Mellemgaard)
181817
Týsdag 8. oktober
Føtur undir egið borð (3:3)
181234
Týsdag 8. oktober
Brot úr Føroya søgu
181793
Nýggjastu sendingar í SV
Týsdag 8. oktober
Veðrið
181809
Týsdag 8. oktober
Hvør býr her? (2:4)
180891
Týsdag 8. oktober
Dagur og vika við 3-2 - teknmálstulkað
181779
Mánadag 7. oktober
3-2 (7. oktober 2024)
181765
Sunnudag 6. oktober
Guðstænasta úr Nólsoyar kirkju
181711