KvF sendir úr Eysturoyartunlinum í morgin

Kringvarpið fer at senda beinleiðis frá hátíðarhaldinum við rundkoyringina í Eysturoyartunlinum í morgin, tá tunnilin verður latin upp fyri ferðslu.

Sent verður bæði í útvarpi og sjónvarpi, og byrjað verður klokkan 10.30. 

Hátíðarhaldið, sum er fyri innbodnum, byrjar klokkan 11.

Har verða røður og hornblástur. Jørgen Niclasen, landsstýrismaður í samferðslumálum, klippir snórin, og á middegi - klokkan 12 - verður tunnilin latin upp fyri almennari ferðslu.

Kringvarpið sendir frá hátíðarhaldinum, og vit hava eisini fólk við tunnilsmunnarnar á Hvítanesi og í Rókini.