Bjóða barnaheimseind í Vági

Almannamálaráðið hevur fingið tilboð úr Vági um barnaheimseind.

Vágs býráð hevur samtykt, at kommunan bjóðar Almannamálaráðnum og Almannaverkinum samstarv um barnaheimseind í Vági.
  
Í brævinum um samstarv stendur, at í Vágs kommunu er nógv orka brúkt til at lofta ungdómum og fyribyrgja, at tey koma í avbjóðandi støður.

Nógv ung eru í vardum starvi og í starvsvenjing í samstarvi við Almannaverkið.

Nevndur er møguleikin at keypa eini stór sethús og umbyggja tey, ella at byggja nýtt hús.

Fólk við rættari útbúgving og fakligum førleikum eru í Suðuroynni, sigur Vágs kommuna.