Byggja ellisheim í Leynum

Lendisarbeiðið í sambandi við at byggja ellisheim í Leynum byrjar fyrst í 2021.

Bygdarráðið í Kvívíkar kommunu hevur gjørt sáttmála við smápartafelagið Grettir um lendisarbeiðið.

Tilboðið hjá Gretti er ein millión og 113.650 kr.

Spakin varð settur í leygardagin. Lendisarbeiðið byrjar fyrst í 2021, og skal verða liðugt á sumri í 2021.

Pláss fyri 16 fólkum

Kvívíkar kommuna hevur keypt góðar 11.200 fermetrar av jørð frá Búnaðarstovuni fyri eina millión krónur, ella fyri 89 kr. fermeturin.

Kvívíkar kommuna ætlar at byggja ellisheimið oman fyri gamla skúlan í Leynum.

Í heiminum verður pláss til 16 røktarsjúklingar og fólk, rakt av demens.