Hava skotið 5.000 harur higartil

5.026 harur eru skotnar higartil í ár.

Hetta eru tær, sum eru skrásettar, sigur heimasíðan haran.fo.

411 túrar eru gjørdir í 146 høgum.

Bestu hagarnir eru Dalhagi, eystari partur í Vestmanna. Har eru harurnar 190 og túrarnir tríggir.

Fjallið, eisini í Vestmanna, er nummar tvey við 143 harum og seks túrum, og síðani kemur Norðurtriðingur, uttanfyri Ánna í Sørvági við 130 harum og sjey túrum

Nakrir harudagar eru eftir enn.

Í fjør vórðu skrásettar 5.927 skotnar harur.