Pengarnir úr landskassanum útgoldnir

Atlantic Airways og Vága floghavn hava nú fingið pengarnar úr landskassanum, sum løgtingið játtaði tann 11. desember

Pengarnir eru farnir í feløgini sum partapengingur. Atlantic Airways hevur fingið 100 milliónir krónur, og Vága floghavn hevur fingið 15 milliónir krónur.

Partapeningurin í Atlantic Airways er inngoldin við kursinum 10.000. So har er partapeningurin nú 104,5 milliónir krónur.

Í Vága floghavn er kursurin 100, og har er partapeningurin nú 508,5 milliónir krónur.