7.000 bilar í Eysturoyartunlinum

Nú gerandisdagurin er byrjaður aftur eftir høgtíðina, koyra yvir 7.000 bilar um samdøgrið í Eysturoyartunlinum.

Men ókeypis er at koyra enn. 

Á midnátt sunnukvøldið byrjar gjaldsskipanin.

Og hon er ikki broytt, sigur stjórin í Eysturoyar- og Sandoyartunlum, Teitur Samuelsen.

Fyri at hava okkurt at samanbera við, koyrdu knappliga 2.000 akfør í Vágatunlinum í miðal um samdøgrið í desember í fjør og 3.700 í Norðoyatunlinum.