Nú kunnu fólk aftur vitja á sjúkrahúsunum

Mánadagin 18. januar lata sjúkrahúsini uppaftur fyri vitjandi.

Men fólk, sum hava verið uttanlands, skulu tó ikki koma á vitjan á sjúkrahúsi, fyrr enn tey hava fingið fingið negativt svar upp á koronukanning á sætti degi, boðar Sjúkrahúsverkið frá.

Tá koronusmittan tók seg upp aftur um jóltíðir, vórðu ymisk tiltøk sett í verk fyri at minka um smittuvandan inni á sjúkrahúsunum. Tað hevði millum annað við sær, at avvarðandi hava ikki havt somu møguleikar at vitja á deildunum.

Færri smittutilburðir

Tamarhald tykist tó vera á smittuni, og smittutilburðirnir fækka. Tí hevur Sjúkrahúsverkið avgjørt at seta tiltøkini úr gildi.

Tekur smittan seg upp aftur, kunnu tillagingar aftur koma fyri.

Mint verður á almennu tilmælini um frástøðu og reinføri.