Kielsen framvegis landsstýrisformaður

Nú tveir mánaðir eru farnir, síðani Erik Jensen bleiv formaður í flokkinum Siumut í staðin fyri Kim Kielsen, er Kim Kielsen framvegis landsstýrisformaður í Grønlandi.

Og nú er Erik Jensen farin heim aftur til Sisimiut, eftir at hava verið í Nuuk í eina tíð.

Erik Jensen hevur sagt, at hann vil vera landsstýrisformaður, og hevur tosað við samgonguflokkarnar um tað.

Men einki er at frætta frá teimum fundunum.

Og sambært blaðnum Sermitsiaq verða samráðingarnar ikki tiknar upp aftur í bræði.

Væntandi verður tað ikki, fyrr enn landstingið kemur saman 16.februar.

Møguleiki er eisini fyri, at val verður í Grønlandi í ótíð.