Lata eisini veðurlagsvirðisløn í ár

Veðurlagsvirðislønin hjá Lærarafelagnum verður eisini latin í ár. Umsóknarfreistin er til 14.apríl.

Virðislønin, sum er 25.000 krónur, verður handað á aðalfundinum hjá Lærarafelagnum 8.mai, skrivar Skúlablaðið.

Fólkaskúlar og frískúlar kunnu søkja. Veðurlagsvirðislønin var latin fyrstu ferð í fjør. Eysturskúlin í Havn fekk hana. 

Grønmeti og lívrunnið tilfar

Skúlin gevur næmingunum innlit í, hvussu vit kunnu velta okkara egna grønmeti og nýta lívrunnið tilfar til sankutøð.

Veðurlagsvirðisløn Føroya lærarafelags verður latin í samstarvi við Betri og Føroya náttúru- og umhvørvisfelag. 

Veðurlagsvirðislønin verður latin einum skúla, har allur skúlin, ein deild, ein flokkur ella ein bólkur hevur arbeitt við veðurlagsavbjóðingunum, skrivar Skúlablaðið.

Endamálið við virðislønini er at gera vart við veðurlagsavbjóðingar og veðurlagsloysnir í øllum samfelagnum sum heild, serliga í útbúgvingarhøpi.