Norra letur aftur

– Frá hóskvøldinum á midnátt (í kvøld, red.) fara vit aftura at hava tær strangastu innferðarreglurnar síðani 12. mars í fjør.

Tað sigur Erna Solberg, skrivar NRK. Fyribils eru herdu reglurnar í Norra galdandi í tvær vikur, men tær kunu tó verða longdar, gerst tað neyðugt.

 >> SÍ EISINI Svøríki steingir markið til Norra

– Mørkini eru latin aftur fyri øllum, sum ikki búgva í Norra, sigur hon, og leggur afturat, at fólk í  samfelagsavgerandi størvum sleppa undan strongu reglunum.

Talan er millum annað um tey, sum arbeiða í flutningsvinnuni, heilsustarvsfólk og fólk, sum skulu síggja síni børn.

– Tað merkir millum annað, at nógv útlendsk arbeiðsfólk ikki kunnu koma til Norra, sigur hon.