Dregur út at fáa sáttmála fyri pedagogarnar

Samráðingarnar millum Pedagogfelagið og Kommunala arbeiðsgevarafelagið og Fíggjarmálaráðið eru ikki byrjaðar aftur enn.

Eingin fundur var í desember og heldur eingin í januar.

Sáttmálakrøvini vórðu handað 8.oktober, og nakrir samráðingarfundir hava verið.

Sáttmálin partanna millum, sum varð gjørdar í 2017, fór úr gildi 1.oktober í fjør.

Havt fund fyrrapartin

Sáttmálin umfatar námsfrøðingar og hjálparfólk hjá kommununum og landinum.

Nú Kommunala arbeiðsgevarafelagið hevur fingið nýggja nevnd, bað Pedagogfelagið um fund við KAF.

Tann fundurin var fyrrapartin.

Partarnir skulu útvega tøl og hava so fund aftur.