Tunnilstøl: 2500 bilar mangla framvegis

Tunnilsfelagið hevur í dag latið Kringvarpinum ferðslutølini fyri Eysturoyartunnilin. Tað koyra ov fáir bilar gjøgnum tunnilin, er greiða niðurstøðan.

Hetta er nakað, ið nógv hava havt varhugan av, men tunnilsfelagið hevur ikki viljað almannakunngjørt tølini. Hetta hevði mánadagin við sær, at løgtingsmaðurin, Jaspur Langaard, setti landsstýrismanninum í samferðslumálum fyrispurning um at fáa ferðslutølini til vega-

Í dag hevur Teitur Samuelsen, stjóri í tunnilsfelagnum broytt meining og latið Kringvarpinum tølini. Tey vísa eitt stórt fall í ferðsluni síðani tað fór at kosta at koyra ígjøgnum.

Tunnilsstjórin vitjar í sjónvarpsstovuni.