Kári Johansen formaður í SEV

Kári Johansen er nýggur formaður í nevndini fyri SEV.

Eftir eykaaðalfundin hjá SEV fyrrapartin, skipaði nýggja nevndin seg.

Kári Johansen, sum umboðar Tórshavnar kommunu í nevndini, tekur við eftir John Zachariassen.

Næstformaður í nýggju SEV-nevndini er Haraldur S. Hammer, sum umboðar Norðstreymoy.

Hinir nevndarlimirnir eru Sonni L. Petersen fyri Eysturoynna, Odmar á Lakuni fyri Norðoyggjar, Poul D. Klementsen fyri Sandoy, Niclas Hentze fyri Suðuroy og Sune Jacobsen fyri Vágar.