Torkil V. Rasmussen nýggjur deildarstjóri

Torkil V. Rasmussen nýggjur deildarstjóri
Tekur við starvinum sum deildarstjóri á Mentanardeildini í Uttanríkis- og mentamálaráðnum 1. mai
Torkil V. Rasmussen verður nýggjur leiðari á Mentamáladeildini í Uttanríkis- og mentamálaráðnum
 
19.03.2021 - 10:50

Torkil Vestergaard Rasmussen er settur sum deildarstjóri á Mentanardeildini í Uttanríkis- og mentamálaráðnum. Hann tekur við eftir Martin Næs, sum gavst fyri aldur í fjør.

Deildin hevur ábyrgdina av tí fakliga og politikk-fyrireikandi arbeiðinum í breiðum týdningi á mentanarøkinum, sum fevnir um mentan, list, mentanararv, søvn, ítrótt, fjølmiðlar, kirkju og onnur trúarsamfeløg.

Torkil V. Rasmussen er 37 ára gamal og útbúgvin løgfrøðingur í 2012 frá Københavns Universitet, umframt at hava tikið onnur viðkomandi skeið.

Hann hevur átta ára royndir sum fulltrúi í Landsfyrisitingini, harav fimm ár í Mentamálaráðnum, har hann m.a. hevur arbeitt við løgfrøði á mentanarøkinum og sum ráðgevi hjá leiðsluni. 

Hann hevur servitan um upphavsrætt, ið er av stórum týdningi fyri mentanarvirksemi, sigur Mentamálaráðið.

Torkil V. Rasmussen hevur eisini undirvíst á Fróðskaparsetrinum og skrivað greinar í viðurkendum løgfrøðiligum tíðarritum.

Torkil V. Rasmussen tekur við starvinum tann 1. mai 2021.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565