Vit fáa meira burtur úr koppingarevnum

Vit fáa meira burtur úr hvørjari sending av koppingarevni enn Danmark, og mest sum einki fer fyri skeytið, skrivar korona.fo.

Starvsfólk í Sjúkrahúsverkinum koppsettu tilsamans 1354 fólk úr seinastu sendingini av koppingarevni frá Phizer, og tað er umleið sama tal av koppsetingum, síðani farið varð at koppseta.

Samanborið við donsku royndirnar við Phizer, er hetta nógv, tí nýggjasta støðufrárgeiðingin frá danska heilsustýrinu, sigur, at talið í Danmark er í miðal um 1200 koppsetingar úr hvørjari sending.

Tað svarar til, at vit fáa 13 prosent meira koppingarevni úr hvørjari sending frá Pfizer/BioNTech, skrivar korona.fo.

4.039 fólk liðugt koppsett

Fríggjadagin vórðu 84 fólk koppsett. 79 fólk fingu fyrra prikið, og fimm fingu seinna prikið.

Steðgur er nú í koppsetingini, til nýggja sending av koppingarevninum Pfizer/BioNTech kemur til landið mikukvøldið.

Nú eru tilsamans 9.427 koppsetingar gjørdar í Føroyum. 5.388 fólk hava fingið fyrru koppsetingina. 4.039 fólk hava fingið seinna prikið, og eru liðugt koppsett.