10 fólk dripin í Colorado

Ein vápnaður maður hevur skotið 10 fólk, teirra millum ein løgreglumann, í statinum Colorado í USA. Maðurin varð handtikin nakrar tímar seinni.

Tað var í gjárkvøldið okkara tíð, uttan fyri en handil í býnum Boulder í Colorado, at brotsmaðurin skeyt fólkini, skriva útlendskir fjølmiðlar.

Fólk nærhendis filmaðu og stroymdu hendingina á YouTube. Løgreglan heitti á Twitter á fólk um ikki at leggja filmsbrot á netið, so tað ikki órógvaði handtøkuna.

Løgreglustjórin í Boulder, Maris Herold, segði á tíðindafundi í nátt okkara tíð, at ein maður er í varðhaldi, sum hildið verður framdi illgerðina.