9.562 harur skotnar í fjør

Í fjør vórðu 9.562 harur skrásettar at vera skotnar í Føroyum.

Tað vísir níggjunda frágreiðingin um haruveiðu, sum Eyðfinn Magnussen, lektari á Náttúruvísindadeildini á Fróðskaparetrinum, hevur gjørt.

Kanningin byggir á tøl frá tilsamans 1.044 harutúrum í 391 hagapørtum kring landið.

Flestu harurnar í fjør vórðu skotnar í "Dalhaga - Eystaraparti" í Vestmanna. Fongurin var tilsamans 190 harur á trimum túrum.

Í Kvíggjarhamarshaga í Saksun vórðu skotnar 180 harur á 10 túrum. 

Hagin "Botnar" í Funningi var á triðja plássi. Har vórðu skotnar tilsamans 175 harur á átta túrum.