Drepandi tøgn um kynsligan ágang móti børnum

Eftir døgurða í dag skipaðu felagsskapirnir Verjið børnini og Steðgið pedofili í Føroyum fyri einum tiltaki á Vaglinum í Havn.

Felagsskapirnir eru misnøgdir við dómin, trý ára fongsulsrevsing, sum ein maður fekk í Føroya rætti týsdagin. Hann varð dømdur fyri pedofili.  

Millum annað vórðu føroysk fløgg við ákriftini SOS sett á Tinghúsvøllin. 

Endamálið er at vísa samkenslu og virðing fyri øllum børnum í Føroyum, sum hava borið drepandi tøgnina – og enn gera tað – um kynsligan ágang.