Fimta hvørt fólk liðugt koppsett

Fimta hvørt fólk í Føroyum er nú koppsett minst einaferð móti koronu, siga heilsumyndugleikarnir. Tilsamans 17.280 koppsetingar eru gjørdar.

11.751 hava fingið fyrra prikið, og 5.529 eru liðugt koppsett. Sostatt er meira enn fimta hvørt fólk koppsett einaferð, og tíggjunda hvørt fólk er nú liðugt koppsett.

At kalla øll fólk í Føroyum, sum eru í øktum vanda, verða tey smittað við COVID-19 virusinum, eru koppsett minst einaferð, siga heilsumyndugleikarnir.