Koppingarevni framleiðast í Danmark

Danski forsætisráðharrin, Mette Fredriksen, hevur lagt fram ætlanir um, at Danmark skal framleiða koronukoppingarevni í Danmark í 2022.

– Vit vilja hava eina framleiðslu í Danmark, so at vit eisini hava trygd fyri, at vit hava veitingar her í Danmark. Men vit vilja eisini vera virkin á europeiska og altjóða pallinum, sigur Mette Fredriksen.

Ítøkiliga fer stjórnin at bjóða til marknaðarhoyring, har møguleiki er hjá teimum, sum framleiða koppingarevni í Danmark og øðrum londum, at viðgera og fáa eitt orðaskifti um hugskotið.