Hvalbiartunnilin latin Landsverki

Landsverk hevur nú yvirtikið Hvalbiartunnilin frá byggifelagnum Articon, sum hevur gjørt arbeiðið. 

Ástaðarfundur var í Hvalbiartunlinum í gjár.

Articon hevur staðið fyri verkætlanini saman við undirveitarunum LNS, EM Asfalt og El-Service á Skála umframt fleiri lokalum veitarum. LBF hevur verið høvuðsráðgevi fyri verkætlanini.

Arbeiðið byrjaði 27. juni í 2019, og seinasta skotið var latið av 7. juli í fjør.

272 mió. kr.

Hvalbiartunnilin og vegagerðin í sambandi við tunnilin hava kostað tilsamans 272 milliónir kr.

Tunnilin letur upp fyri almennari ferðslu í morgin, og skipað verður fyri almennum hátíðarhaldi við tunnilsmunnan Hvalbiarmegin í morgin klokkan hálvgum tólv, har røður og tónleikur eru á skránni.

Tey fyrstu at koyra gjøgnum tunnilin vera systkini Allon Næs og Betta Eið, sum eru ávikavist 95 og 98 ára gomul.

Allon Næs koyrir bilin.