Sverri enn eitt 2. pláss á World Cup-stevnu

Sverri Sandberg Nielsen fekk annað plássið, tá World Cup-róðurin í einskullara endaði við einum reinum spurti millum miðvingin og kappingarneytarnar, Oliver Zeidler (Týskland) og Kjetil Borch (Norra).

Teir tríggir fóru mestsum í senn um mállinjuna, men Kjetil Borch varð avgerandi sentimetrarnar frammanfyri føroyingin og týskaran. 
Kjetil Borch, byrjaði væl saman við unga italska rógvaranum.

Men so líðandi komu Oliver Zeidler og Sverri Sandberg Nielsen fram, og tað varð ein kapping millum teir báðar og Kjetil Borch.

Miðvingurin legði seg framum um 700 metrar frá málinum, men norðmaðurin treiskaðist, og Oliver Zeidler nærkaðist.

Alt endaði við einum reinum og spennandi spurti millum teir tríggjar kappingarneytarnir, og tað var Kjetil Borch, sum dróg longsta stráið, meðan Sverri Sandberg Nielsen og Oliver Zeidler fóru mestsum javnir um mállinjuna. 

Spenningurin undan Olympisku leikunum í Tokio minkaði ikki júst av hesum róðrinum.