HB ímóti Inter Club d’Escaldes í kvøld

Í kvøld spælir HB hálvfinalu í innleiðandi undankappingini til Champions League ímóti Inter Club d’Escaldes úr Andorra.

Dysturin er klokkan 19.00. 

Inter Club d’Escaldes er tvífaldur meistari, og 41 ára gamli Ildefons Lima, sum hevur spælt 129 landsdystir fyri Andorra - fleiri av teimum ímóti Føroyum - telist millum kendastu spælararnar á liðnum.

Kappingin skuldi eftir ætlan vera í Føroyum, men UEFA valdi at flyta hana, tí fótbóltssamgongan metti, at føroysku koronureglurnar eru ov strangar. Spælt verður í staðin í Albania. 

Vinnur HB á Inter Club d’Escaldes í kvøld, skal føroyski meistarin spæla finalu ímóti antin Folgore úr San Marino ella Prishtina úr Kosovo fríggjadagin. 

Sambært portal.fo meta veddingarfyritøkur, at HB er stórur favorittur at vinna dystin í kvøld.