Nú skal Uros skjóta mál í B36

Serbiski framherjin Uros Stojanov flytur nú úr ÍF til B36.

Í hálvtannað ár hevur hann spælt við fuglfirðingum, har hann hevur skotið 24 mál í 41 dystum.

Hann var deildur toppskjútti í bestu fótbóltsdeildini í fjør við 17 málum. Klæmint Andrasson Olsen úr NSÍ skjeyt eisini 17 mál í landskappingini í fjør.

Sáttmálin millum Uros Stojanov og B36 er galdandi fram til kappingarlok næsta ár, skrivar B36 á sínari heimasíðu.