Føroyar fáa 10.500 rumenskar skamtar

Koppingarætlanin í Danmark verður flutt tvær vikur fram. 

Tað hevur danska heilsustýrið júst almannakunngjørt.

Hetta hendir eftir at Danmark hevur keypt 1,17 mió skamtar av koronakoppingarevnið úr Rumenia.

Nú skulu øll tey, sum vilja koppsetast, eftir ætlan hava fingið seinna prikið 29. august, sambært dagførdu donsku koppsetingarætlanini.

Koppingarætlanin ikki dagførd

Føroyska koppingarætlanin er ikki dagførd enn, upplýsir Sjúkrahúsverkið, men hetta verður væntandi gjørt skjótt.

Sjúkrahúsverkið hevur eisini fingið vátta, at teir eyka skamtarnir, sum Danmark nú hevur keypt, verða býttir eftir tí vanliga lutfallinum. Hetta merkir at umleið 10.500 skamtar koma til Føroya.

Tað er tó ikki greitt enn júst nær teir koma til Føroya.

12 til 15 ára gomul kunnu koppsetast

Sum nakað nýtt stendur nú 12-15 ára gomlum eisini í boði at vera koppsett eftir donsku koppingarætlanini.

Fyrstu skamtarnir úr Rumina koma longu til Danmarkar í kvøld,.