Jørgen skuldi oftast svara

Allir grein 52a spurningar til løgmann ella landsstýrisfólk í hesari tingsetuni eru nú avgreiddir.

Teir eru 170 í tali.

Spurningar kunnu ikki setast millum jóansøku og ólavsøku.

Jørgen Niclasen fekk flestu spurningarnar, 39.

Í hinum endanum er Jacob Vestergaard, sum fekk 12 spurningar.

Skrivligir spurningar

Sambært grein 52a í tingskipanini kunnu tingfólk seta løgmanni og landsstýrisfólkum skrivligar spurningar, sum ikki eru settir á annan hátt, um almenn viðurskifti.

Svarast skal í seinasta lagi 10 yrkadagar seinni.

Bæði spurningar og svør skulu vera stutt og greið.