VIDEO: Sverri misti á stokkinum

Ýlið, ið kom frá Sverra Sandberg Nielsen, tá tað varð honum greitt, at hann ikki fekk eitt OL-heiðursmerki heim við úr Tokyo, segði alt. 

Alt um hvussu nógv, ið hann hevur lagt fyri bæði kropsliga og mentalt, fyri at røkka stóra málinum at koma í OL-finaluna. 

Og tá hann hoyknaði saman á kaiini í Tokyo, og var næstan ikki til at troysta, so kendu øll við honum. 

Sverri Sandberg Nielsen, OL, vónbrot

Frítekst tagging: 

Sverri Sandberg Nielsen

Offrað seg sjálvan

Á vegnum hevur Sverri Sandberg Nielsen vunnið EM-gull og -silvur umframt HM-silvur.

Hann hevur víst í verki, at hóast tú kemur úr einari lítlar bygd og einum lítlum landi, so kanst tú kappast við tey allarbestu í heiminum - um tú also ert sinnaður at offra tað, ið skal til. 

Og offra tað, ið skal til, hevur Sverri Sandberg Nielsen í ólíka mát.

Sverri Sandberg Nielsen

Frítekst tagging: 

Sverri Sandberg Nielsen

10 ár fyri at náa OL-finaluna

Í 10 ár hevur Sverri Sandberg Nielsen offrað seg sjálvan fyri at náa stóra dreyminum um at vinna OL-heiðursmerki. 

Alt annað hevur verið sett í bíðistøðu. Útbúgving, ungdómurin og tað, ið har hoyrir til. 

Ýlið í Tokyo var ein staðfesting av, at Sverri Sandberg Nielsen hevði verið so nærvið at røkka málinum, og alíkavæl stóð eftir við ongum. 

Tað skar í hjartað. 

Sverri Sandberg Nielsen, OL, vónbrot

Frítekst tagging: 

Sverri Sandberg Nielsen

15 hundraðpartar

15 hundraðpartar. Tað var alt, sum skilti Sverra Sandberg Nielsen frá sínum stóra dreymi um at vinna eitt OL-heiðursmerki í rógving. 

Føroyska tjóðin stóð aftanfyri Sverra, og spenningurin var øgiligur.  

Í Miðvág var sannur veitslustemningur niðri á fótbóltsvøllinum, har stórskíggi var settur upp í góðveðrinum.

Foreldrini hjá Sverra, Jórun og Thorfinn Nielsen, vóru millum áskoðararnar. 

Foreldrini, Sverri Sandberg Nielsen

Frítekst tagging: 

Sverri Sandberg Nielsen

Og á ólavsøku í Havn vóru túsundtals fólk komin saman at fylgja róðrinum á stórskíggja á Eystarubryggjum. 

mannamugva.jpg

Nøgdur við avrikið

Hóast Sverri Sandberg Nielsen var vónbrotin, so var hann nøgdur við avrikið, tá hann hevði fingið sunnað seg. 

Hann hevði róð alt tað, hann megnaði, og hann hevði ongan umbering. Hinir vóru betri á degnum. 

Sverri gevst nú við rógving, hóast hann eisini letur hurðina standa eitt sindur á glopp til, at hann fer at royna at sleppa við til OL í París í 2024. 

Sverri Sandberg Nielsen, OL, vónbrot

Frítekst tagging: 

Sverri Sandberg Nielsen

OL-finalan