Støkk inn koppsetingar byrja aftur í morgin

Til ber at støkka inn á koppsetingarstøðirnar á sjúkrahúsunum millum kl. 17.30-18.30 uttan at hava bílagt tíð frammanundan.

Fyri at fáa fleiri føroyingar at lata seg koppseta fyri koronu, gjørdi Sjúkrahúsverkið fyri tveimum vikum síðani av at veita borgarum møguleika fyri at støkka inn til koppseting uttan at bíleggja sær tíð frammanundan.

Fyrsta royndin varð gjørd leygardagin 17. juli á Landssjúkrahúsinum, og síðani varð latið upp fyri støkk inn-koppseting á øllum trimum sjúkrahúsum tveir dagar seinni.

Sambært Sjúkrahúsverkinum var góð undirtøka fyri støkk inn-koppseting - smá 100 fólk um tíman.

Um ein ynskir at tryggja sær eina tíð áðrenn, ber til at bíleggja á corona.fo